

D3027

ཚོན་རྩི་ལྔའི་ཕྱེ་མ་ལ་སྔགས་བཟླས་ལ་རླུང་ཆེན་པོ་བྱུང་དུས་སུ་ཡུལ་ཀུན་ཁྱབ་པར་གཏོར་རོ། །དེས་ནི་གཞན་གྱི་ལྕེ་བབས་པ་རྒྱུན་འཆད་དོ། །གཞན་གྱི་ལྕེ་འབབ་པ་བཟློག་པ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།[་]@##། །དཔལ་རྡོ་རྗེ་ རྣམ་པར་འཇོམས་པ་ལ་ཕྱག་འཚལ་ལོ།།མཛའ་བོ་བདག་ལ་སྡང་ན་མ་རུངས་པར་བྱེད་པའི་ལས་ནི་དུར་ཁྲོད་ཀྱི་རས་ལ་འཁོར་ལོ་རྩིབས་བརྒྱད་པ་བྱིས་ལ། ལྟེ་བར་ཆེ་གེ་མོ་མཱ་ར་ཛཿ་ཞེས་པ་བྲི། མུ་ཁྱུད་ལ་ཀཱ་ལི། རྩིབས་ལ་ཁྲོ་བོ་ལྔའི་སྔགས་བྲིས་ལ་ཆོ་ག་རྫོགས་པར་བྱས་ནས་དུར་ ཁྲོད་དུ་མནན་ན་མཛའ་བོ་སྡང་བ་མི་རུངས་བར་འགྱུར་རོ།།སྡུ་གུ་བདག་ལ་སྡང་བ་དབང་དུ་བསྡུ་བར་འདོད་ན། སྙིང་པོ་བསྡུས་པ་ལ་སྟོང་ཕྲག་ལྔ་བཟླས་ལ་དཔྲལ་བར་ཙནྡན་གྱིས་ལྕགས་ཀྱུ་བྲི། ལག་མཐིལ་དུ་གི་ཝང་གིས་འཁོར་ལོ་རྩིབས་བཞི་པ་རེ་བྲིས་ལ། ཆེ་གེ་མོའི་ནོར་དང་བཅས་ ་པ་དབང་དུ་གྱུར་ཅིག་སྭཱ་ཧཱ་ཞེས་བརྗོད་པས་དབང་དུ་འགྱུར་རོ།